Al Shabaab Oo Markii Ugu Horeysay Ku Dilay Soomaaliya Labo Wiil Oo Ficil Fool Xun Sameeyey

Magaalada Bu’aale oo Caasimad u ah Jubada Dhexe ayaa waxa dad isku soo baxay lagu Hor Toogtay Seddex nin oo labo ka mid ah ay Ficil Fool xun sameeyeen.

Al Shabaab ayaa dhawaan Xabsiga dhigay Labo wiil oo dhalinyaro ah kuwaasi oo lagu Eedeeyey inay isku Galmoodeen,

Ilaa iyo Hadda lama hayo Cadeymo muujinaya in Labada wiil ay isku galmoodeen Balse Maxkamad Al Shabaab ah ayaa ka hor akhrisey Dadkii Fagaaraha joogay inay ficil aan wanaagsaneyn ku dhaqaaqeen.

Sidoo kale Al Shabaab ayaa Siciid Cali nin lagu sheegay waxa ay udileen inuu Jawaasiis u ahaa Itoobiya mana ahan markii ugu horeysay oo Shabaab dad ku dilaan deegaanada ay maamulaan.

Hase ahaatee waa markii koobaad oo Al Shabaab dilaan Rag isku jinsi ah oo hadana ay ku Sheegeen inay isku galmoodeen.

Nagala soo xiriir - jlandnews@gmail.com

Hoose Ku Qor Fikradada

( 0)



ADS